عزيزى الزائر انت غير مسجل فى منتدانا يرجى التسجيل لتكون احد اعضاء منتدى الام ساره هنا معنا كل جديد ومتميز الرجاء اضغط تسجيـــــــل

معجزة البابا كيرلس منقوله

استعرض الموضوع السابق استعرض الموضوع التالي اذهب الى الأسفل

معجزة البابا كيرلس منقوله

مُساهمة من طرف زائر في الخميس مارس 18, 2010 5:24 pm

طبعا
انا بعتذر على تأخيرى فى كتابة المعجزة اللى حصلت معايا السنة اللى فاتت
سنة 2008 واللى عملها معا القديس شفيع الطلبة البابا كيرلس السادس وبجد
انا المعجزة هكتبها بالتفصيل بكل حاجة حصلت معايا وعشان خاطر المسيح
اقروها بكل امانة وبجد بتأسف تانى لابويا البابا كيرلس على تاخيرى سنة
بحالها رغم انى بجد معجزة فى منتهى الروعة وانا هبدا احكى المعجزة :


انا نتيجة الثانوية العامة بتاعتى كان مجموعى( 89.6 % يعنى 367.5 من المجموع الكلى من 410)
وانا
خلاص كنت رثيت انى ادخل كلية تجارة انجلش سابا باشا الاسكندرية فرع دمنهور
فا فى اليوم دة اللى طلعت فية نتيجة التنسيق كنت فى رحلة فى مصر وجاتلى
مسج على الموبيل بالتنسيق بتاعى انى اتقبلت لكلية تجارة الاسكندرية طبعا
فرحت اوى وشكرت ربنا انة استجاب انى هدخل تجارة انجلش اسكندرية المهم
اتبسطت واخدت رحلتى وروحت واجى اشوف بقى التنسيق بتاع الكليات يقبل من كام
القى حاجة سقعت بجد ليها انى انا عايزة ادخل تجارة انجلش فا ماشى اتقبلت
فى تجارة اسكندرية بمجموعى لانى اسكندرية بتقبل من 367.5 يعنى مجموعى
بالزبط طبعا اتبسطت لكن اجى اروح الكلية القيها ماشى قابلة مجموعى انى
ادخل الكلية لكن ماينفعش ادخل تجارة انجلش لانى انا جايبة فى مادة الانجلش
42.5 والكلية بتقبل من 45 انجلش طبعا كدا انا مش مقبولة فى القسم
الانجليزى وطبعا انا زعلت اوى ،، قولت اوك ماشى ادخل تجارة اسكندرية فرع
دمنهور القى تجارة دمنهور نفسها بتقبل من 368 يعنى اكبر منى بنص درجة
والقسم الانجليزى بيقبل من 42 يعنى الانجليزى قابلنى لكن الكلية نفسها مش
قبلانى بجد ياجماعة انا كنت كل مادخل فى حل القيها تتقفل بس بردو كان عندى
امل جامد اوى فى ربنا ،، المهم طبعا جيت رضيت بالامر الواقع انى هدخل
اسكندرية وتجارة عادية مش رغبتى فا واحدة صحبتى قالتلى طيب غيرى الرغبة
بتاعتك من اسكندرية واكتبى دمنهور يمكن يدخلوكى المهم قولت ماشى وغيرتها
اللى هو التنسيق الالكترونى غيرتها من التنسيق وطبعا ناس كتير قالتلى
ماعمرهم ماهيوفقو المهم بقى قولت ادخل اشوف التنسيق اتحول ولا لا ملقتهوش
اتحول فى الليلة اللى مفروض يظهر فيها وماردتش اقول للبيت بصراحة يجى بقى
دور البابا كيرلس فى الليلة دة كنا بنقول تمجيد للبابا كيرلس وطبعا كان كل
صلاتى انى ربنا يختارلى الصالح وجة فى وقت تمجيد البابا كيرلس لقيت ابن
اختى عندو سنتين وقتها راح قام وعمل نفسو بيرش ماية علينا زى ما ابونا
بيرش بعد القداس جا ى بيرش بايدو روحت لقيت 3 نقط ماية اترشو عليا لدرجة
انى كنت بدارى بايدى وشى عشان بحسب ايدو فيها ماية بجد طبعا ايدو قبلها
كانت نشفة اوى مكنش فيها اى حاجة واختى ساعتها كانت بتبص على ايديو ساعة
لما رش لقتها كلها ملايانة ماية بنمسك ايدو نلقيها نشفة وبجد صدقونى انا
ماية اترشت عليا طبعا فرحت ساعتها اوى خلصنا التمجيد وجيت بقى تانى يوم
كنت عادى بقول ادخل اشوف السايت بتاع التنسيق اتفرج فية وكدا روحت بدخل
بجرب ليا تانى لقيت انى اتحولت لتجارة دمنهور بجد طرت من الفرحة اوىىىىىى
، روحت تانى يوم لكلية التجارة بسابا باشا وبقدم اوراقى القيهم يقولولى لا
انتى كدا تجارة انتساب وهتكونى فى دمنهور يعنى ماينفعش خالص تكون تجارة
انجلش طبعا اتغميت اوى بجد انا فى الموضوع دة كان فى شى غريب اوى( انى
المشكلة تتحل وافرح اوى واجى القيها اتسددت تانى ولما اجى اصلى تانى
القيها فرجت ) المهم طبعا كنت انا وصحبتى هيا اتقبلت وانا اترفضت روحت
البيت وقولتلهم خلاص شكلى نصيبى تجارة عربي فا قولت لاختى خلاص بكرة اروح
اقدم اوراقى بتجارة عربى اسكندرية واخلص التعب اللى انا فية.


روحت
انا وهيا تانى يوم وقولت فى سرى يابابا كيرلس بجد اتصرف وخلصلى الموضوع
وانا يكون فى علمكم جالى بطاقتين ترشيح بطاقة اسكندرية انتظام وبطاقة
دمنهور انتساب عشان النص درجة دة ، المهم روحت الكلية وطبعا انا واختى مش
عارفين نتصرف ازاى فا كان فى استاذ كدا شكلو بجد صعب اننا نتعامل معاه (
عشان هو بدقن وكدا فا خفت بصراحة انة يكون متحزب شوية ) المهم اختى بتقولى
تعالى نسالو قولتلها لا بلاش مش مرتاحة لية المهم روحنالو وفهمنا نروح فين
نزلت انا وهيا للمكتب تحت وبقدم اوراقى المكتب يقولى لا انتو اتاخرتو
التقديم بتاع تجارة قفل خلاص ياااااااااه بجد صعقة تانى قولت يابابا كيرلس
الحقنى قولت للراجل يعنى اية قالى يعنى تروحى مصر وتقدمى من هناك يعنى بجد
فى قمة البهدلة ليا اختى طبعا شدت معايا ، طبعا اضايقنا وجاين هنمشى القى
الاستاذ اللى سالناه قبل كدا القية فى وشى راح قالى ها قدمتى قولتلة على
اللى حصل راح قال لا طبعا دة اكيد قصدو على الصنايع وطلع كلام الاستاذ دة
صح انى دة تقديم الصنايع لكن التقديم بتاعى لسة شغال المهم راح ساعدنا
واشترينا اوراق وكدا وملتها وجاية رايحة للمكان اللى اشوف فية اسمى مش
لاقية اسمى يااااااااااااااه على الكارثة بجد مش عارفة كان فى اية لية كل
دة بس بجد لولا كل دة مكنتش هحس بحلاوة العشرة معا ربنا فى امور حياتى
ومعا قديسة فا قعد يدور كتير فى الاسامى ملقاش بس نشكر ربنا جمبو الاستاذ
اللى بيساعدنا راح الاستاذ دة قالو بص اديها ورقة فيها اسمى تروح لاستاذة
فى المبنى وهيا هدور على اسمها طبعا طلعت ليها باوراقى بعد ماشتريت طوابع
واوراق طلعلتها راحت شافت ورقى زعقت جامد وقالت اية انتو مش بتفهمو انتو
دمنهور دمنهور بنعترف ببطاقة الترشيح التانية وراحت قطعت الورق بنرفزة بس
اديتنا الطوابع المهم نزلنا لاستاذ اسلام اللى بيساعدنا وفهمنا اننا معانا
بطاقتين فا هو فهمنا اننا نطلع على دمنهور وقالنا انى انتى انتظام بس فرع
دمنهور ياااااااه الروح رجعتلى تانى بجد وكمان نشكر ربنا رجعنا الطوابع
اللى كانت بفلوس اللى الاستاذة قطعت لينا الاوراق اللى فيها ،،

المهم
سمعنا كلام استاذ اسلام وطلعنا برة الكلية وركبنا مشروع مكنش فية غيرى انا
واختى ونتصادف المشروع يقولنا انتو صعب جدا انكم تلاقو حد رايح على الموقف
دة بس من حسن حظكم انكم لقيتو حد لانى رايح اكشف فى مستشفى القبارى فا
اشكرو ربنا بجد يااااه على الرجاء اللى كان فينا بجد برغم كل المشاكل اللى
بتقابلنا بس بجد كنت فرحانة اوى روحنا الموقف واشترينا عصير انا واختى
وكمان نشكر ربنا كنت واخدة فلوس كتير كانت صدفة بصراحة انى اخد فلوس تكفى
لسفر المهم ركبنا المشروع ومارضناش نرمى الازازة بتاعت العصير قولنا نملها
ماية ركبنا المشروع ونلاقى واحد فى المشروع يساعدنا ويفهمنا المدينة اللى
اول مرة نروحها وصلنا هناك بالسلامة وقبل مانركب تاكسى اختى تقولى عطشانة
اوى نفسى اشرب ماية ونركب التاكسى ونلاقى بتاع
التاكسى يقف قدام كولدير ماية من غير مايعرف اننا عايزين نشرب ويروح
يقولنا عايزين ماية قولنالو ايوة وراح مللنا ماية بجد انا عارفة انى رغيت
كتير بس بجد بتوضح اوى انى فى كل خطوة بنخطيها قد اية ربنا معانا والبابا
كيرلس اللى كنت حاسة بية اوى.


،،
المهم روحنا دمنهور وبقدم اوراقى وقدمت بكل سهولة والاستاذة اللى هناك
مكلمتش معايا خالص فى اوراقى كنت فرحانة اوى بس مش مصدقة بس بردو تيجى
مشكلة تقف قدامى انى ناقص فى اوراقى شهادة ميلاد كمبيوتر طبعا انا
مطلعتهاش فا الموظف اللى فى الكلية قالنا روحو بسرعة طلعوها من مكتب روحنا
المكتب بجد صدقونى الناس كتيررررررررر اوى قدامة محدش قادر يدخل طبعا
روحنا لقينا مشكلة اكبر انى اختى نست البطاقة يعنى بجد ساعقة جامدة اوى فا
قولتلها كفاية اوى كدا النهاردة اخدنا كوارث كتير جايين هنمشى ونروح
اسكندرية نلاقى واحد بامانة صدقونى فى الشارع يقولنا ملكم فى اية قولنالو
قال طيب معاكم شهادة الثانوية العامة قولنا اه قال خلاص دة كويسة اوى تنفع
تطلعى بيها شهادة الكمبيوتر قولت اشكرك يارب روحنا بقى عايزين ندخل فى
الزحمة طبعا صعب اوى لقينا بامانة واحد يوسعلنا الطريق دة كلة ودخلنا جوة
المكتب نفسو لقينا بقى طابور كبير اوى للسيدات كان استحالة نوقف كل دة
خصوصا انى الساعة كانت واحدة ونص وفاضل نص ساعة وكل المصالح الحكومية تقفل
جاية بقولها خلاص نيجى فى يوم تانى واحنا طالعين اختى شافت اللى هو بتاع
الشاى قالتلو ينفع وسطة وخد اللى انت عايزوة راح دخلنا لواحد مسيحى وعملنا
الشهادة وفرحت اوىىىى وجاية بقول لبتاع الشاى خد اللى انت عايزة قال لا
طبعا شكرا وسابنا ومشى واحنا بسرعة روحنا على الكلية عشان خلاص قربت تقفل
ونشكر ربى والهى قدمت كل اوراقى وقدمت فى الكلية حقيقى بجد مش عارفة
اقولكم اية وروحنا بكل سهولة حقيقى وربنا وقف معانا اوى


**ملحوظة انا صحبتى بردو كان ناقص معاها شهادة الميلاد بردة لما راحت وبطلعها من هناك ماوفقوش قالولها طالعيها من بلدك ..
حقيقى مش عارفة اقول اية بس كل حفرة كنت بقع فيها كانت ايدين بترفعنى اوى
طولت اوى اوى اوى بس بجد حكتلكم على كل حاجة بكل امانة حصلت معايا وكل خطوة خطيتها وايد ربنا معايا

انا
هسيب ليكم التعليق لانى انا مهما اقول مش هقدر بجد اوصف قد اية اللى انا
فية بشكر ربنا اوىوالبابا كيرلس وكفاية عشان تعبتكم معايا بس انا بخبر بكم
صنع ابويا معايا بركتة معانا بشكركم


منقوله

زائر
زائر


الرجوع الى أعلى الصفحة اذهب الى الأسفل

رد: معجزة البابا كيرلس منقوله

مُساهمة من طرف بنت الام ساره في الإثنين مارس 22, 2010 1:04 pm

بجد معجزه رروووووووووووووووووعه وبركه حبيبي وشفيعى البابا كيرلس تكون معانا جميعا
وربنا يباركك ويعوض تعب محبتك

بنت الام ساره
رافع صليبى فوق راسى
رافع صليبى فوق راسى

عدد المساهمات : 2885
تاريخ التسجيل : 10/07/2009

الرجوع الى أعلى الصفحة اذهب الى الأسفل

رد: معجزة البابا كيرلس منقوله

مُساهمة من طرف حبيب المسيح في الجمعة مايو 14, 2010 8:00 am

جاااااااااااااااااااااااااامدة يا شمودة
تسلم ايدك يا ريـــــــــــــــــــــــــــــــــــــــــــس

_________________
[img]


حبيب المسيح
المدير العام
المدير العام

عدد المساهمات : 327
تاريخ التسجيل : 05/02/2010
العمر : 23
الموقع : الاقصر

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى